Lo hestenau Circà que s’ei acabat quauques jorns a. L’òra qu’ei de hèr lo bilanç. Un bilanç deus mes positiu, de créser la directora e la secretària d’aquera manifestacion de tria que comptava setze lòcs d’animacions escampilhats tot a travèrs de la vila d’Aush. Vint e un espectacles e animacions a còps a gratís ; emponts dauberts, encontre dambe los artistas, balòchas a gratís en serada èran perpausats tot au long d'aqueths dètz jorns de hèsta circassiana.
L’escaduda de la companhia “Basinga”, estoc magèra, tant au nivèu de l’animacion deu barri deu Garròs que de los lors espectacles, quate en tot : un au Garròs plan nomat « Traversée » au dessús d’un hiu entre duas bastissas, tres a l’endavant de la catedrau. Aquiu tanben un ahèr de funambulisma.
Ne s’avèva pas vist autant de monde de long. Ça’m par un ahuegament navèth après la maishanta temporada de la pandemia ; un beròi estrambòrd s’èra esplandit pas sonque dens lo barri de Circà, mes tanben tot au long de las arribas e en vila hauta. De monde de pertot, de França et de l'estrangèr, èran venguts hèr aumenatge au circ circassian, lo circ vivent coma se plasen de díser los assabentats. L’arribada d’escòlas de França e d’endacòm mes, gitèc un tropèth de joens dens la vila sancèra, en tot deishar un ambient gaujós e estrambordat sus la plaça reiala, los escalèrs monumentaus, lo marcat deu dissabte e deu dijaus. Per çò qu’ei de la frequentacion, nombres d’espectacles se son jogats a uishets tancats, tant la demanda èra hòrta. S’i calèva sarrar a l’endavant deus capitèths o de las salas tà poder dintrar. Un fenomèn deus james vist dinc aquesta annada que va de segur influïr lo hestenau 2023 qu’ei a l’estudi uei lo dia, tà se plegar ad aquera escaduda.
Totun, se volètz perlongar l’eveniment, vos demora enqüèra los espectacles de la sason 22-23. Vint e sheis espectacles son prometuts.
Le festival Circa s’est achevé il y a quelques jours. C’est le moment de faire le bilan. Un bilan très positif d’après la directrice et la secrétaire de cette manifestation de choix qui comptait seize lieux d’animations éparpillés dans toute la ville d’Auch. Vingt et un spectacles et animations parfois gratuites ; scènes ouvertes, rencontre avec les artistes, bals gratuits en soirée étaient proposés pendant ces dix jours de fêtes circassiennes.
Le succès de la compagnie « Basinga » fut énorme, au niveau de l’animation du quartier du Garros comme dans leurs spectacles, quatre en tout : un au Garros bien nommé « Traversée » au-dessus d’un câble entre deux bâtiments, trois devant la cathédrale. Également une affaire de funambulisme.
On n’avait pas vu autant de monde depuis bien longtemps. Sans doute un nouvel engouement après la mauvaise période de la pandémie. Un magnifique enthousiasme s’était répandu pas seulement dans le quartier du Circa, mais aussi tout le long des berges et en haute ville. Des gens de la France entière et de l’étranger étaient venu rendre hommage au cirque circassien, le cirque vivant comme disent les artistes. L’arrivée d’écoles de France et d’ailleurs, jeta un grand nombre de jeunes gens dans toute la ville, en laissant une ambiance joyeuse et enthousiaste sur la place royale, les escaliers monumentaux, le marché du samedi et du jeudi. Du côté de la fréquentation, beaucoup de spectacles ont été joués à guichets fermés, tant la demande était forte. Il fallait se presser les uns contre les autres devant les chapiteaux et les salles pour pouvoir rentrer. Un phénomène jamais vu jusqu’à présent qui va assurément influer le festival 2023 à l’étude actuellement, pour se plier à cette réussite.
Cependant, si vous voulez poursuivre avec cet évènement, de nombreux spectacles sont encore programmés pour la saison culturelle 2022 2023 qui arrive avec 26 spectacles programmés.
15, rua Marceau - 32000 Aush - [email protected] - https://ostaugascon.wordpress.com/
Tòca : realisacion, difusion e promocion de produccions audiò-visuaus, escritas o de tota auta natura qu'an principaument rapòrt dambe la cultura occitana de Gasconha.